【安心偷食】黃心穎偷食後首度回應　心穎：對唔住馬明

黃心穎背馬國明跟許志安偷食一事引起娛圈極大迴響，TVB助理總經理樂易玲就事件聯絡上黃心穎和馬國明，樂易玲指黃心穎感到很後悔且得知自己犯了大錯，又指馬國明要求繼續開工，馬國明將會如常拍攝《降魔的》。

▲ （黃心穎IG圖片）

樂易玲回應：

琴日好多記者搵我，我話想沈澱一下點去處理這件事，同公司及同事商量點去回應。

昨晚同心穎傾左好耐，佢好後悔好後悔，佢知道自己犯咗好大嘅錯，佢好對唔住受牽連嘅人，特別係父母及家人，對唔住公司，對唔住馬明同馬明嘅屋企人。呢一刻佢嘅情緒仍然未平伏。公司覺得佢需要休息一段時間嘅。

另外，馬明話佢OK，大家唔使擔心佢。馬明佢好乖，佢自己要求繼續開工，叫大家唔使遷就佢，所以佢今晚會繼續如常開工拍攝降魔的外景。